JK Kitchen (已結業)

登龍街直情係銅鑼灣嘅食街，好多高質餐廳都隱藏係商廈之中。今次搵到呢間JK kitchen，朋友話個環境同嘢食都好，就聽佢講試下。周末去都幾多人，要book定位先唔會摸門釘。環境真係好別緻，唔講以為食西餐，好適合三五朋友或情侶黎。本menu好厚，菜式有好多選擇嗌左越南菜最經典菜式之一，香茅豬扒湯河，好大碗呀！欣賞佢豬扒同湯檬分開上，唔會浸腍哂，仲可以選擇落咩配菜～個湯底好馥郁，一啖接一啖，豬扒唔乾身。越式大蝦柚子沙律，好足料，似主菜多過前菜，有椰菜、蘿蔔絲，加埋泰式酸甜汁，好開胃，大蝦係另外煎香嘅，爽口脆身，鮮味夠，令成道菜嘅層次更豐富。見到menu竟然有台式奶茶，仲要有半價添，試左胚芽奶茶，味道好濃郁好creamy，啱我口味。