王牌冰室 (彌敦道) (已結業)

之前睇到關注組都有介紹佢既沙嗲牛麵，所以都幾對佢幾大期望！食左佢既經典常餐，王牌特濃沙嗲牛肉公仔麵，配牛乳炒蛋同多士。佢既沙嗲牛果然冇令我失望，牛肉好林身，而且個汁十分濃，食落有少少花生醬味，係偏甜既沙嗲汁。佢汁濃到係每條麵都可以做到掛湯！食到最後可能會有小小覺得太濃味，不過整得感覺都好好！係值得回味既沙嗲牛！而佢既牛乳炒蛋都十分滑，一啲都唔會蘇，不過就冇太大既驚喜🙈整體嚟講，覺得佢價錢合理，而且個沙嗲牛都真係做得幾出色，一定會再食🤤