Knutsford Steak Chop & Oyster Bar (已結業)

星期日母親節,媽子話提早幾日攪,仲要攪攪新意思,唔好食中餐喎,於是就同媽子嚟咗呢間食西餐,平日我都有同朋友仔上去飲酒同食小食,食晚飯就未試過,不過見佢環境幾舒適同比較靜,因為媽子好怕嘈雜,所以就決定拉大隊嚟,我哋一行十二人,嗰晚我哋一坐底就已經有人遞上MENU,另外一位就已經攞住OYSTER牌過嚟逐款介紹生蚝嘅產地及口感雖然我哋都唔係好明白佢講咩,但都欣賞佢哋嘅服務態度,最後我哋決定叫了一打生蚝試吓先,內面四種產地及口感唔同嘅蚝,食得出好新鮮,夠冰凍特別係個汁,超正,如果唔係媽子禁住我,我必定ENCORE,之後我哋叫了炒帯子虾藍之士波菜沙律,好惹味,藍之士同波菜撈埋一齊,好好味煙三文魚CAESAR,OK無咩特別,藍青口窩點蒜容飽又係超好味,千層麵一般,蜆肉意粉,D蜆肉一般大隻,個汁好清,一D都唔油膩,燒豬肋排,值得一讚,上枱時店員已經CUT開咗一件件,味道比較甜,我就麻麻,但姐夫同媽子話好好味24安士斧頭,其實係牛扒,因為我唔記得佢嘅英文名,我哋點了MEDIUM,牛味十足,油脂分佈均勻,肉質嫩嗰日我哋仲開咗支CLOUDY BAY白酒,係個女經理特別推介,佢話真係好好飲喎,細佬仲講笑話唔