Kebab Bistro

營業中

休息中

#土耳其eatcovery #尖沙咀eatcovery💡令人回味的土耳其味道幾年前去過土耳其旅行，就比呢個國家深深吸引住，因為有太多靚景，食物又夠特別。今次呢個小店主力做外賣🥡，但都有提供少量堂食座位。選擇種類多之外，味道都唔錯。🍽轉轉燒羊肉卷🐑墨西哥卷配料好豐富，有生菜、洋蔥、蕃茄同勁多羊肉做餡料，羊肉係旋轉烤架切落黎包，之後要用錫紙烘熱佢，新鮮熱辣。啲肉唔算鞋，騷味唔重，夠曬飽。🍽轉轉燒雞肉配飯及沙律🐔呢個份量有好多，雞肉鋪滿曬係飯上面，雞肉都幾嫩滑，唔乾身，另外配埋3種醬汁，撈埋一齊食更正。而沙律甜甜酸酸，好開胃。🍽Mango Smoothies比平時飲開嘅芒果味有少少唔同，飲落好香滑，又唔會太甜，岩曬而家咁熱天氣飲。