香港仔魚市場二合海鮮餐廳 (已結業)

同朋友黎呢間香港仔魚市場餐廳，諗住同鯉魚門﹑三聖既差唔多，都係食個幾味。唯一可取既係，係魚市場裏面，D野想唔新鮮都好難，所以試試。結果除新鮮外，仲有一份地道時令的驚喜。其實而家香港食海鮮，好大部份都係比入口既野你食，扇貝﹑龍蝦﹑鮑魚﹑蟶子同條魚好大部份都係入口既，好少有話香港本地或南中國海既海鮮比你選擇。 呢間餐廳就唔同，老板會推介不同既時令地道魚比你，唔會"則"你食貴野，例如呢幾個月先有既獅頭魚(脆炸)﹑泥斑(火腩炆)﹑海馬友(碎蒸)﹑海花竹蝦(豉油王)﹑奄仔蟹(油鹽焗)等。由於我地斑友好鍾意食魚，呢幾個餸配左白飯都唔洗食其他野，埋單價錢合理，出面又唔洗錢泊車，可以再幫襯。