杏香園 (已搬遷) 新店位置

又到左3點3, 暑假既尾聲。 正想係天仁茗茶買珍珠奶茶同茶葉蛋之際,排隊排左好耐又想起同行朋友未食過杏香園, 我就帶左佢地黎食喇。今次我n call芒果班戟, 因為真係皮薄,cream滑, 芒果靚。 應該係用呂宋芒, 好香甜。 同行朋友都係芒果迷。 唔駛5分鐘俾我地清哂。木瓜奶都幾好飲。 冇冰粒同有木瓜粒。 朋友話佢自己調制既更好味wor. 我叫左少冰。 比室溫微凍。朋友叫左紅豆冰。 吸管吸唔到紅豆, 佢要左條粗既吸管。 佢話冰粒都特登刨左唔錯。佢要左原味芝士蛋糕, 比外觀好睇。 如果直接用碟上更好睇。 好濃郁既芝士味, 係實身既係new york cheese cake. 服務好親切, 街坊生意, 對小朋友有耐性。