亞蘇爾 (形點) (已結業)

呢排成日去開元朗做嘢，不過好多餐廳都好早關門，選擇少左，好在亞蘇爾仲有開，仲有機會食到滋味既葡餐！一如以往，人氣一樣旺盛，晚餐時間都已經坐得滿滿，門口亦傳來陣陣葡撻既香味！餐牌選擇多，一般的葡式美食都有供應，例如豬扒包，馬介休呢d一定揾到！今晚既上菜速度都幾快，頭盤霹靂魷魚沙律首先送到！酸酸辣辣幾開胃，魷魚同沙律菜都幾爽口，賣相都唔錯！跟住有馬介休芝士球出場，大大粒賣相吸引，特別喜歡個酸酸甜甜既沙律醬汁，配上外脆既外皮，寧舍醒神！馬介休入面除左有薯蓉同陣陣咸香味外，還有溶化左既芝士，一咬開就流晒出嚟，非常邪惡！再嚟就係香味十足既咖哩b牛坑腩伴蒜蓉包，份量十足，兩片香脆既蒜味十足既蒜蓉包，配上甜中帶辣既咖哩汁，有點覺得仲好食過d牛坑腩！牛坑腩都幾軟稔，又入味，薯仔同樣出色！最後出場就係份量十足，辣肉醬松露芝士豬扒包伴田園沙律及薯條，熱辣辣香脆既豬扒包賣相非常吸引！豬扒包用料十足，大大塊豬扒配上辣肉醬汁，滋味十足，要小心d 食，醬汁多到流出嚟！呢餐既好味程度，其實睇下最後呢張相就可以知道答案！