方叔叔重慶老火鍋 (渣甸中心) (已搬遷) 新店位置

{方叔叔同你打邊爐 - $900}好多人都話三月份凍埋之後就會熱，把握冬天嘅尾巴去麻辣火鍋，講到呢樣嘢方叔叔真係不二之選！食得就唔好慳，叫到成枱都係嘢！今次叫咗鴛鴦湯底，一邊有超特濃嘅豬骨湯，真心帶出食材嘅鮮味！另一邊係我最期待嘅麻辣，一邊食一邊帶着滿滿嘅刺激感！稻香毛肚、白鱔、鵪鶉蛋、嫩牛肉！全部都採用好新鮮嘅食材，所以用嚟打邊爐真係一流！不得不提嘅係佢嘅鮮拼九宮格！之前食過已經一試難忘，一次過滿足好多個願望，除咗有手工肉丸，仲有桂花蚌，麻辣牛肉，鮮黃喉，仲有真係好好好好味嘅豬手！真係食過返尋味！美國Prime 牛小排真係令我驚喜之中，再驚喜多一次！😂牛小排真係超重牛肉香味而且口感一流！明明牛小排意料之中已經好好味，但係呢度真心係再好味啲！嚟到方叔叔，請大家務必要留肚食佢哋嘅紅糖爆漿粚粑！這個是必須的，因為真係超好味，爆脆嘅外皮，軟糯嘅粚粑，爆漿嘅紅糖！呢幾種唔同嘅口感同埋味道真係天花板級嘅化學作用！方叔叔，本麻甩一定會再來😋美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #方叔叔重慶老火鍋 (渣甸中心) (銅鑼灣)銅鑼灣渣甸街50號渣甸中心8樓