小桃咖啡室 (已結業)

今次晚餐真係好難忘！食物方面，全部都係高水準之作。我地叫既餐有酥皮田螺、湯配蒜蓉包、鵝肝、意粉、ribs加薯條同理有cheese cake同puff做甜品。個酥皮田螺真係一流，而個鵝肝入口即溶，相當高質素。仲有要俾個ribs一個大讚，加埋呢間舖馳名的薯條簡直係絕配！今次有六度菜包埋一杯特飲，每位都只需約200蚊，相當超值。環境方面，燈光好柔和舒服，無論係同屋企人、朋友或者係男女朋友黎食飯都會覺得好舒服。最好的一點就係食野唔限時，想食幾耐都得，嗰度有好多唔同類型的boardgame俾客人玩，大人細路都啱玩，想玩收舖都得！另外，餐廳的員工服務質素令人滿意，佢地的服務態度好好，好有禮貌好nice，仲會好主動咁教我玩唔同類型的boardgames。所以，我會介紹呢間餐廳俾我的親朋戚友，因為呢間絕對係一間可以俾客人享受食物同埋盡情歡樂的地方。