美心西餅 (已結業)

係地鐵站出來，返屋企途中，咁岩經過間美心...見到D甜品好靚，就得決定入去睇下有咩啱食...入到去，見到好多靚靚甜品，其中最吸引我嘅就係"芒果六重奏"!因為本人係芒果迷，就決定買左呢一杯"芒果六重奏"返去試下...賣相真係幾靚嘅，唔知味道又如何呢?!番到去，已經急不及待咁打開來試味...所謂六重奏，其實係由芒果肉，蛋白啫喱，蛋糕，朱古力脆脆，芒果Mousse，一層層咁組成...芒果肉->好甜又大粒蛋白啫喱->好有椰香味食到一粒粒嘅西米，令口感更豐富，可惜食得出唔新鮮蛋糕->好鬆軟朱古力脆脆->唔知係咪放左入雪櫃太耐，一D都唔脆，好林芒果Mousse->好滑亦有好濃嘅芒果味整體來講，食呢個甜品有多重嘅滋味...價錢來講，咁嘅質數要25蚊，真係食唔過...我俾呢個價，我個人認為可以食到更好食嘅甜點!