古早牛肉麵 (已結業)

我個人係好鍾意食麵線，所以見到有蚵仔麵線，就算已經食飽都忍唔住買碗外賣返屋企食！等外賣其間留意左一下裝修，見到好多台灣味嘅裝飾，望落坐都舒服嘅。不過疫情橫行，都係買外賣穩陣。一碗蚵仔麵線外賣價$35，唔算平，份量亦唔多，細細碗咁，不過味道先係最重要。望落去大概一半湯一半麵線咁，蚵仔有5-6隻，份量還可以。食落去麵線質地偏硬，同平時食開比較軟同滑嘅台式麵線有少少唔同。味道一般，湯底食落去只有咸味。食完之後仲有三分一碗湯剩，可想而知原本啲湯有幾多。以咁嘅價錢應該唔會再食，同我印象中嘅台灣味道唔同。