大門食堂 (德福廣場) (已結業)

今日約咗舊同事喺九龍灣食嘢，本身打算去食beans，但係排晒長龍，個店員話要等個半鐘，咁我哋就唯有再去搵其他嘢食啦。正常搵嘢食就要去望水牌㗎啦，望到哩一間餐廳張相好似唔錯，於是就試下。今日開始入餐廳之前要登記個人資料，哩一間餐廳亦唔例外，入去前我哋要自己寫低姓名、當天日期、時間同埋電話號碼。起初見到餐廳外面好多拉麵嘅模型，所以我哋四個都揀左佢嘅人氣大門特製拉麵🍜 $75嘅套餐係包一杯嘢飲嘅。🎈大門特製拉麵🍜個湯底偏鹹，而啲麵亦唔係普通拉麵嘅質地，而係好粗嗰隻，類似沾麵嘅麵質。塊肉較乾，糖心蛋偏霖，一食落口係散開嘅，而且佢既蛋黃溏心部份較少，我同朋友第一次冇食晒成粒糖心蛋。🎈蜜桃茶味道普普通通，有淡淡的蜜桃味。整體黎講，哩到嘅拉麵味道真係麻麻。