更多
2022-07-05
433 瀏覽
本身都係支持“小店”既一份子,間中都會食佢。開張既時候係幾好食,但今次叫外賣,完全令我唔想再叫第二次。。。。今次叫左一個屯門牛漢堡同小龍女漢堡,屯門牛一打開見到松露醬好似幾吸引,聞落都有香味,但一食就知唔對路。因為太多醬所以個包底濕晒變左餵金魚d濕水麵包,爛晒;食多兩啖,發現兩塊牛有一塊得6成熟,中間勁多筋,而且兩塊肉都好似爛肉咁,一pat pat咁,完全冇咬口,又冇牛味。食食下仲食到塊膠,真係「膠墊膠到暈」。。。極度失望!未熟既牛買包送膠小龍女既牛有同樣既情況,塊牛入面有少少涼,好明顯係煎唔夠耐。總結黎講,每況愈下,已經去到唔會有下次既bottom line。
張貼