Urban City Diner (已結業)

本身黎到東涌想買杯野飲下，見到格離既星記人流咁驚人，咁又見到呢間既裝修同埋相，都覺得幾吸引，就走入去試，見到佢餐牌上飲品選擇唔多，一心以為佢飲品應該幾專業，點知真係令人大失所望咁差。試藍莓士多啤梨白露茉莉茶，成個名畀我感覺非常好飲啦！雖然佢賣 $40 杯真係幾貴下，但諗住咁貴應該會相當出色，所以非常期待，飲品都幾靚，沙冰感好重，佢莓味係有既，但藥水味好重，成陣味好假，茉莉味完全無既，只有死甜，是但一間既莓沙冰都無咁貴，而且亦都無咁藥水味，好差，我飲左三分之一都無就掉左，其他飲品都完全無意慾去試。