Fauchon Paris Le Café (已結業)

是日星期五，放工之後同屋企人黎新城市食飯，由於第三期正在裝修，所以都係黎第一期搵野食，上openrice見到晚餐主菜有買一送一優惠，就一於黎試下啦。由於預早用app攞位，所以黎到都唔洗等太耐就可以入座，餐廳燈光柔和，環境舒適，感覺好舒服。除左a la carte之外，仲可以揀set dinner，百零蚊有湯，沙律，主菜同飲品，同a la carte半價優惠差唔多，所以最後都係揀要餐。餐湯無得揀，只有一款，賣相似係忌廉湯，入口似係麵粉加水，味道非常淡，即使加入胡椒粉後都無法入口，絕對有進步既空間。沙律係雞胸沙律，沙律菜算新鮮，不過加入沙律醬，感覺有少少格格不入，建議改用沙律汁會更加好，此外，雞胸未完全解凍，入口非常冰冷，令人唔太舒服。第一個主菜係蟹肉長通粉配意大利青瓜及香蔥忌廉汁，打碎左既蟹肉加入忌廉同香蔥整成醬汁後再加入意粉，賣相好齋，亦都完全食唔出有蟹肉味，忌廉味都過重。另一個主菜係烤春雞配薯蓉，青豆，煙肉及紅酒汁，雞扒質素比一般快餐店仲要低，醬汁亦都毫無水準，唯一覺得OK既係個薯蓉，滑得黎又唔會太重牛油味。餐飲方面叫左咖啡，入口有微微既炭燒味，好欣賞店員將奶整返熱先俾客人，咁倒入咖