Haven (已結業)

魚得塊皮香，肉煮得老、同埋冇咩味。沙律份量好少好少。個豬扒煮得幾好，肉軟硬適中，但薯仔數量又係少得可憐。牛油果蟹肉他他幾香，味道唔錯。但總括嚟講、服務令人失望，食物性價比低，唔會再黎。門口招呼我地入黎嘅staff（姨姨）態度好好，但serve我地個個staff（後生少少）就好差。我地兩個人坐第二層，得我地一枱，點左野食之後十幾分鐘有另一枱客4個人到，個staff就提佢地可以趁仲係happy hour 點埋野飲，買一送一。我地嗰時睇緊drink menu未決定飲咩，諗住過多陣先叫。嗰時個staff提都冇提，因為我地人少飲得少？跟住我落樓下諗住落飲品order啦，佢就話7:33分過左3分鐘冇happy hour. 上左第一碟餸之後，等咗好耐另外啲餸都未散，但係其他枱已經陸續有餸上，可能我地嗰d要煮耐d掛😂第二碟餸比新刀叉，但直接擺喺枱墊上面，冇紙巾墊住，有d唔衛生。仲有兩碟未食完就放定牙籤喺我地面前😂好似趕你走咁😂