影片
更多
2010-11-03
60 瀏覽
籌劃咗2個幾禮拜o既大閘蟹宴終於結束, 雖然唔能夠畫上完滿句號, 但總算品嚐過一餐全蟹宴, 而東海呢個 "大閘蟹專門店" o既稱號, 我真係要拆佢招牌, 皆因今年大閘蟹同蟹粉都完全令人失望…全蟹宴餐單 :──────蟹粉小籠包一隻 , 蟹粉蒜蓉多士, 蟹粉魚餅, 蟹粉蜂巢, 蟹粉素方, 蟹粉竹笙卷, 大閘蟹一隻, 瑤柱蛋白炒飯※※※※※※※※※※※※※※※※※※※※※※※※※※※※※※※※※※※※※※※※※※※※※首先每人嚟一隻小籠包, 上枱時都只係微暖, 完全無熱辣辣o既感覺, size 同平時o既差唔多, 但用料就豐富好多, 一咬個小籠包, d 蟹粉就流晒出嚟, 成個放入口感覺超正超飽滿之後蟹粉蒜蓉多士到喇, 6小件擺放响一個木架上面, 而蟹粉就用一個陶藝器皿暖住, 但熱o既效果完全無生效過, 雖然蟹粉+多士味道一向唔錯, 但成件多士都係冷冰冰同硬"掘掘", 口感完全唔得至於蟹粉魚餅, 我見到都 "吓" 咗一下, 份量真係少得可憐, 我諗魚餅粒10粒都無, 6個人分每人2粒都無, 好在我哋一向都好禮讓, 唔會有爭食事件, 講番味道就可以用"搭枱"嚟形容, 魚餅加咗蟹粉之後, 完全無
全蟹宴餐單 :
──────
蟹粉小籠包一隻 , 蟹粉蒜蓉多士, 蟹粉魚餅, 蟹粉蜂巢, 蟹粉素方, 蟹粉竹笙卷, 大閘蟹一隻, 瑤柱蛋白炒飯
※※※※※※※※※※※※※※※※※※※※※※※※※※※※※※※※※※※※※※※※※※※※※
首先每人嚟一隻小籠包, 上枱時都只係微暖, 完全無熱辣辣o既感覺, size 同平時o既差唔多, 但用料就豐富好多, 一咬個小籠包, d 蟹粉就流晒出嚟, 成個放入口感覺超正超飽滿
之後蟹粉蒜蓉多士到喇, 6小件擺放响一個木架上面, 而蟹粉就用一個陶藝器皿暖住, 但熱o既效果完全無生效過, 雖然蟹粉+多士味道一向唔錯, 但成件多士都係冷冰冰同硬"掘掘", 口感完全唔得
至於蟹粉魚餅, 我見到都 "吓" 咗一下, 份量真係少得可憐, 我諗魚餅粒10粒都無, 6個人分每人2粒都無, 好在我哋一向都好禮讓, 唔會有爭食事件, 講番味道就可以用"搭枱"嚟形容, 魚餅加咗蟹粉之後, 完全無融合感覺, 都係分開食比較好
蟹粉蜂巢呢, 一致裁定最最最失敗, 雖然表面係有d蟹粉, 但芋蓉完全蓋晒蟹粉味, 等同酒樓平時食到o既芋角, 但而家索價廿幾蚊一粒, 完全呃錢
再嚟蟹粉素方, 呢個還可以接受, 因為腐皮本身無味, 所以加蟹粉就食出味道來, 但略嫌腐皮較油
到最後一味蟹粉小菜~竹笙卷, 呢碟就似番d樣, 起碼份量大番dd, 同蟹粉結合咗味道ok喎, 卷皮炸得香口唔油, 索價 $78 合理
第七味上場係主角大閘蟹, 大家都非常期待, 因為上個禮拜食o既 $28 大閘蟹都好多膏, 何妨呢隻$88 有成4-5両 ! 大家急不及待開蓋比較, 結果勝負難分, 因為隻隻蟹都唔肥美, 膏比 $28 還少, 十萬個失望, 好彩無試二百幾三百蚊果隻啫, 如果唔係就揼心…
最後嚟o既 "飽肚炒飯" - 瑤柱蛋白炒飯, 係我覺得全晚至掂o既, 因為熱辣辣兼幾好味仲有好多料, 食落肚有種好實在o既感覺
整體嚟講 : 好睇唔好食, 樣樣蟹粉都係凍冰冰, 完全無樣係熱辣辣o既, size 就迷你到好似小食/前菜咁, 而大閘蟹就差過稻香, 如果用二百幾蚊, 我寧願去稻香食幾隻仲好 !
6人共消費 : $1430
張貼
