影片
更多
2022-08-30
162 瀏覽
今日約咗好朋友去旺角逛街，逛到好攰，諗起好耐冇食自助餐，就想起有間大喜屋在附近，於是就同朋友決定去大喜屋食日本放題。而家食自助餐好多都要分上下輪，但呢間餐廳可以由十二點食到三點，絕對夠時間畀我哋慢慢食，傾下偈，舒舒服服過一個下午，真係好難得。餐廳位於旺角嘅中心點，面積好大，非常寬敞， 座位亦都好寬闊，令人感到好舒適。餐廳供應嘅食物種類亦都好多，除咗用手機下單嘅刺身、手捲、壽司、軍艦、卷物 、炸物、天婦羅、串燒、一品料理、創作料理外，仲有一個自助熟食區，有好多食物選擇，我先用手機落咗我想食嘅心水食物，就去自助區攞咗大蜆、大蝦同前菜食住先。飲品亦都有好多選擇，除咗 一般凍嘅飲品外，仲有一個熱櫃供應熱嘅罐裝飲品添， 好貼心。好快我哋下單嘅食物就已經送到，刺身擺盤好靚，仲好新鮮添。魚生係厚切嘅，油甘魚、吞拿魚大大件，好甘香，赤貝、北寄貝味道都好鮮美，鍾意食幾多下單幾多，食完可以再叫，不用浪費食物。因為有充足時間，可以慢慢食，唔使急。我的重點推介:古法蒸海龍躉王 龍躉肉大大件，用冬菇肉絲蒸，帶出魚的鮮味。金蒜蓉粉絲蒸扇貝金黃蒜蓉炸得好香，粉絲吸收咗扇貝嘅鮮味，加上調過味嘅 醬汁，好好味。上湯燴大
餐廳位於旺角嘅中心點，面積好大，非常寬敞， 座位亦都好寬闊，令人感到好舒適。
餐廳供應嘅食物種類亦都好多，除咗用手機下單嘅刺身、手捲、壽司、軍艦、卷物 、炸物、天婦羅、串燒、一品料理、創作料理外，仲有一個自助熟食區，有好多食物選擇，我先用手機落咗我想食嘅心水食物，就去自助區攞咗大蜆、大蝦同前菜食住先。飲品亦都有好多選擇，除咗 一般凍嘅飲品外，仲有一個熱櫃供應熱嘅罐裝飲品添， 好貼心。
好快我哋下單嘅食物就已經送到，刺身擺盤好靚，仲好新鮮添。魚生係厚切嘅，油甘魚、吞拿魚大大件，好甘香，赤貝、北寄貝味道都好鮮美，鍾意食幾多下單幾多，食完可以再叫，不用浪費食物。因為有充足時間，可以慢慢食，唔使急。
我的重點推介:
古法蒸海龍躉王
龍躉肉大大件，用冬菇肉絲蒸，帶出魚的鮮味。
金蒜蓉粉絲蒸扇貝
金黃蒜蓉炸得好香，粉絲吸收咗扇貝嘅鮮味，加上調過味嘅 醬汁，好好味。
上湯燴大蝦球
蝦球爽脆，好大隻，配菜都吸收咗上湯嘅味道，這道菜有大酒樓的風範。
滋補花膠燉鮮奶
花膠又淋又滑，加上用鮮奶燉，這道菜可以當甜品食添。
甜品有好多選擇，因為太飽，只可以揀咗幾樣嚟試，但水準都唔錯。
這一餐日本放題，選擇實在太多，只可以試到一部分食物，有時間一定再嚟試埋其他食物。
張貼
