影片
更多
2019-12-10
445 瀏覽
呢日喺太子有兩間飲品舖都有同某外賣自取app合作做$8優惠，所以lunch time就行嚟呢邊試下啦，茶樂係第一間。由於個app買時要訂定幾點拎，我就揀咗13:30。點知去到呢，就有一連串令我嬲嬲豬嘅情況發生😡。首先，我同同事準時早少少去到店舖係無乜客嘅，前面得對母子，但條隊唔係好清楚喺邊，又等咗陣先有店員。佢哋終於得閒招呼我喇，我話嚟拎外賣，款式指定咗係皇牌琥珀珍珠奶茶(原價$30)，佢竟然同我講話黑糖珍珠賣哂？！要等30分鐘......佢話因為太受歡迎喎，而家先煲，無辦法喎，哦😑。唔知間舖幾點開店啦，但我見到就無乜人囉...，心諗邊有咁快賣哂呀。就算係真，我唔係walk in嚟買嘛，我訂咗呢個時間拎，就應該要準備好比客囉。我問咁有無得第日拎，佢又話無...，男店員本身話可以比我轉芋圓，但女店員又話剩係可以轉普通珍珠比我，你哋想點呀😵？後尾先好似好格外開恩咁比我2溝喎，但其實我聽到佢哋嘅對話係芋圓都唔夠。不如你哋早少少準備好啲食材，先開門啦。btw珍珠加芋圓其實唔夾囉。唉勁失望，成程我都唔覺店員有咩歉意😤，你提供唔到我要嘅嘢，又唔比其他選擇我，難道真係要我為杯飲品等半個鐘？唔使返工都
呢日喺太子有兩間飲品舖都有同某外賣自取app合作做$8優惠，所以lunch time就行嚟呢邊試下啦，茶樂係第一間。由於個app買時要訂定幾點拎，我就揀咗13:30。點知去到呢，就有一連串令我嬲嬲豬嘅情況發生😡。
首先，我同同事準時早少少去到店舖係無乜客嘅，前面得對母子，但條隊唔係好清楚喺邊，又等咗陣先有店員。佢哋終於得閒招呼我喇，我話嚟拎外賣，款式指定咗係皇牌琥珀珍珠奶茶(原價$30)，佢竟然同我講話黑糖珍珠賣哂？！要等30分鐘......佢話因為太受歡迎喎，而家先煲，無辦法喎，哦😑。
唔知間舖幾點開店啦，但我見到就無乜人囉...，心諗邊有咁快賣哂呀。就算係真，我唔係walk in嚟買嘛，我訂咗呢個時間拎，就應該要準備好比客囉。我問咁有無得第日拎，佢又話無...，男店員本身話可以比我轉芋圓，但女店員又話剩係可以轉普通珍珠比我，你哋想點呀😵？後尾先好似好格外開恩咁比我2溝喎，但其實我聽到佢哋嘅對話係芋圓都唔夠。不如你哋早少少準備好啲食材，先開門啦。btw珍珠加芋圓其實唔夾囉。
芋圓珍珠奶茶
10 瀏覽
0 讚好
0 留言
唉勁失望，成程我都唔覺店員有咩歉意😤，你提供唔到我要嘅嘢，又唔比其他選擇我，難道真係要我為杯飲品等半個鐘？唔使返工都唔等啦...。另外，我一次過拎3杯野，我唔開聲，佢都無諗過比個袋我易拎小小，無奈至極。
芋圓珍珠奶茶
21 瀏覽
0 讚好
0 留言
講返杯嘢飲，而家應該係小芋圓珍珠奶茶(原價$27?)🤔，奶茶算滑，但無茶香味，同埋都係太甜，明明我叫咗走甜，我諗佢根本無跟order做掛...。至於珍珠同芋圓就都好一般，粉粉地唔算好𡁻。味道就未算難飲，但對比其他舖頭嚟講算差，真係只值呢個$8推廣價。
總括嚟講，間嘢真係好唔掂，勁無心做，乜都未準備好就開門，我第一次去飲品舖去到咁嬲🤬。我上文所講句句屬實，如果要自己比錢，我一定唔會再幫襯，因為飲品味道亦都好麻麻😠。
張貼
