豊洲水産海鮮丼専門店 (已結業)

呢日中午同朋友黎佐豊洲水產食lunch ，雖然價錢唔平，但一分錢一分貨，刺身全部日本築地市場直送，有信心保證，加上呢排我地兩個都工作太忙，太想食餐好開心下啦。我一黎到就點佐雲丹三文魚子大拖羅丼($368) ，食完真係幸福值爆錶！海膽、三文魚子同大拖羅都份量澎湃，海膽一層層咁疊起，佔佐半碗丼。海膽用咗北海道馬糞海膽，入口鮮甜無比，味道甘香，令人回味，非常新鮮！好耐冇喺丼飯度食到咁高質嘅海膽！三文魚子都好鮮甜，完全唔腥，一咬鮮味就即刻爆發。至於大拖羅都一樣無得輸，油分豐富，嫩滑冇筯，食完口腔都係油脂香，好幸福！所有丼飯都會跟一碗麵豉湯，呢度好大碗，而且用料好用心，竟然加佐魚去熬湯，難怪咁鮮。朋友好鍾意食日本野，但係食嘅刺身種類好有限。雖然餐廳丼嘅款式已經好多，但係朋友竟然揀唔到心水，後來發現原來有得自選丼，可以按自己心水隨心所欲，佢揀佐三文魚、帆立貝、火炙鰈魚邊、飛天黑鮪赤身，賣相一樣佳！試佐朋友嘅火炙鰈魚邊，非常肥美，入口即溶。黑鮪赤身都推介，魚油甘香。甜品竟然有蕨餅！超開心！