Pancake 專門紗織 (已結業)

都話咗女仔👧🏻食甜品就有多一個胃嫁啦，啱啱先食完午餐，經過一間pancake店，淨係望到門口嘅裝修都已經忍唔住要衝入去試吓啦。環境令人感覺好舒服，全日本🇯🇵風。焦糖燉蛋班戟配72%黑朱古力醬$148叫一個甜品真係好似食咗三個甜品咁，首先就係配有一個原味嘅既班戟🥞底，上面放咗一個焦糖燉蛋，淨係外表都已經夠晒特別，旁邊仲放咗雪糕🍨同埋士多啤梨。焦糖燉蛋🥚同埋雪糕入口即溶嘅感覺再配合埋pancake，成個口感更加昇華。和牛漢堡班戟$158 🍔估唔到鹹既甜品都有，超得意呀呢個和牛漢堡，佢同普通嘅牛肉漢堡🍔睇落冇乜分別，但係佢嘅包皮就係換咗用班戟，個Pancake好香蛋🥚味，加埋和牛🥩嘅肉汁，食落成個感覺好特別。