宮葉 パフェ (已結業)

店內座位唔算好多，門口有幾個人排隊，不過好快就入得。有唔少客人黎到都剩係叫甜品，但我因為未食晚餐，所以先叫左個豬軟骨拉麵。豬軟骨拉麵湯底好濃，唔太油，應該係豬骨湯，不過食得多會覺得有少少咸。配菜都多，有木耳、紫菜、糖心蛋同好多好多既味荀。豬軟骨好入味，好林，一咬就開。軟骨感覺比平時食開既林，共有三舊，如果多幾舊會更好紫薯芭菲佢餐牌上好多款甜品，花多眼亂，每款都好靚好吸引！我揀左成十分鐘先揀到食呢個黎到時，望到都覺得好開心，佢上層有紫薯蓉，好香紫薯味，好滑，不過略嚴唔夠凍，凍啲更好食！有一球綠茶雪糕，仲有一串三色丸子，甜甜地，好煙韌。仲有幾舊好似啫喱既野（我唔知係咩），紫色，酸酸地。除左面層有生果外，下面都仲有好多生果，尤其是芒果，好甜，又好肉！！呢杯野唔貴，先48蚊炸！抵食！我隔離枱嗌左個草梅芭菲，好大杯！！仲好吸引，好靚好好食甘！都係48蚊，但有好多士多啤梨，岩晒士多啤梨控！心諗，依家啲士多啤梨平極都三十蚊一盒，仲要佢果果啲甘大甘紅，佢果杯差不多成盒士多啤梨！好足料！！我唯有下次再黎試下佢！