麻辣風雲 (京都廣場) (已結業)

出街食飯都好少話想讚下佢哋嘅飲品，但呢度真係令我好想寫下佢嘅菊花蜜 ＄48🥰🥰🌻。首先佢係成壺上嘅，個外型好靚，係粉紅色肥肥圓圓，上面有花花圖案，都幾有古代特色。用個碗載住啲菊花蜜都好有古代氣氛。味道都唔錯，清清甜甜咁好潤😋😋跟住講下前菜涼拌雞絲粉皮＄68。🐓個汁可能略咸左少少，但撈返雞絲同埋粉絲嚟食呢就啱啱好。你仲有絲絲嘅青瓜令口感更加爽脆。重頭戲係水煮牛肩肉 $268。🐂滿滿紅色相當吸引，差唔多成個面都係紅辣椒。牛肉索曬辣汁入味超正，質感亦唔鞋口。另一重頭戲花雕醉雞＄98。🐔成個感覺好清新。分量夠多啖啖肉，雞肉都充滿酒味而且好嫩口，真係令人好心醉。近銅鑼灣又想有特色，特別鐘意飲菊花蜜嘅，不妨試下呢間。