貓店街 (已搬遷) 新店位置

貓呀貓，貓貓呢種生物真係令人心甜，搞到我放工都特登去探佢地添。一入店就覺得間餐廳有點兒「焗」，仲有啲臭臭地。冇法子啦，有小動物的地方必然會有少少異味，但呢度陣味比以往的cat café為重，希望可多加留意！我一坐低就叫野食啦，但等等下都成個幾鐘先有野食，算啦…可能當晚忙啦。佢地人店仔細細，人少少，算啦，好彩有貓貓陪我玩姐;)。先來的是飲品，我叫了熱香蕉朱古力；我朋友叫了凍藍莓汁。藍莓汁係普通味，勝在啲冰適量…既唔會整到杯野淡、又可稍稍減減個味等冇咁甜。我強烈推薦杯香蕉朱古力！好味到不得了！！！又夠熱，朱古力味又香又濃。最難得真係個香蕉呼唔會太假，唔會fell到好似化學調味料咁味。好可惜，一杯咁好味的飲品唔可以同野食一齊享用，因為啲野食要好耐好耐之後先黎到，好浪費呀。之後芝醬麻拌烏冬係好味既，但咁簡單的菜都整咁耐，真係令人有少少失望。等我同大家分一分析下先：鳥冬水滾便可放下去煮掉埋啲配料落去；過一過冷河，倒啲芝麻醬落去，經已食得=.=，搞咩鬼要成個幾鐘，基本上5分鐘已可以整起…呢度既貓貓唔熱情的;(冇咩邊隻肯同人玩。白身其頭果隻最可愛，全黑果隻最鐘意痴我，其他冇反應，訓得就訓。