Mexican House (已結業)

又係無意中發現嘅一間店，老實講呢間店離我公司有啲遠，如果唔係同事食過話我知都應該唔會諗到要去呢間店🤣但我為咗佢個牛扒沙律，已經好幾次不惜“爬山”上去荷里活道，講真都咪話唔辛苦🥴呢間店嘅野食種類唔少，雖然每次都好想試新野，但每次都係忍唔住翻啅牛扒沙律🤭曾經嚐試過佢個燒烤醬手撕雞沙律，唔係唔好食，只係個燒烤醬有啲蓋過咗牛油果醬、番茄莎莎醬同其他配料嘅味道，所以我個人都係偏愛味道冇咁濃嘅牛扒。話就話係牛扒，但佢已經切到比較細塊，材料好豐富，將全部野撈埋一齊真係好好味😋😋😋佢仲有另外附白沙律醬，但唔落味道已經好OK！食哂成個飽到上心口，就算係男人食份量應該都夠。