大兄冰室 (已結業)

平日好少去呢個電子用品商場行，之前男友係對面馬路見到佢招牌，係卡通肌肉男 💪🏻 寫住大兄冰室，佢見幾得意就試，跟住推介我去。佢格離有另一間食肆，好易入錯。早餐 -「A7 招牌沙嗲牛麵」$37我轉左烏冬，都幾開心唔洗加錢😋湯底就揀左我最喜歡既蕃茄濃湯。超級有驚喜，個湯底濃到好結身，一啲都唔稀，食落好濃既蕃茄味，佢比起蕃茄專門店做得更加蕃茄！沙嗲牛肉淋，沙嗲味出，幾出色🥰跟既多士就有啲失望，比較薄身，好細塊，份量係一塊麵包切四片🍞炒蛋入口順滑，有蛋香，幾好食🍳下次有興趣試佢下午茶既大漢堡🤩