八户屋和食料理

營業中

休息中

今晚我們去咗大埔富善邨商場嘅「八戶屋和食料理」食晚飯！我們叫咗吞拿魚他他沙律、吞拿魚、油甘魚，三文魚刺身、一人涮涮牛肉鍋、黑松露石鍋牛肉葛絲湯、炭燒蟹肉明太子玉子、芝士卷、牛肋肉大根煮、照燒鰻魚飯、芝士咖哩豬扒石鍋飯、酥炸芝士年糕、南瓜薯餅同紫薯甘栗餅！吞拿魚他他沙律係將吞拿魚表面用火炙輕輕燒過，令到吞拿魚嘅外層微熱，入面仲係冰凍刺身，令到口感非常豐富，肉質亦相當嫩滑，沙律生菜亦好新鮮，真係超好味！係本人每次都會必叫嘅！吞拿魚、油甘魚，三文魚刺身非常新鮮、厚切同肥美！有一人涮涮牛肉鍋嘅牛肉肉味香濃，唔會好肥膩！黑松露石鍋牛肉葛絲湯嘅牛肉份量十足，葛絲嘅麵質相當爽滑彈牙！炭燒蟹肉明太子玉子係即叫即燒，一層一層嘅玉子包住蟹肉同明太子，口感極之豐富，令人想一食一食嘅感覺！照燒鰻魚飯嘅鰻魚肉質非常嫩滑彈牙！芝士咖哩豬扒石鍋飯嘅豬扒炸得相當外脆內軟，炸粉亦唔會太厚，而咖哩汁嘅味道調得恰到好處！紫薯甘栗餅入面真係有粒粒甘栗，紫薯相當軟滑，味道亦好香甜！