影片
更多
2019-03-27
43 瀏覽
好多時出黎飯聚，都會選擇喺旺角，地點夠晒方便。但旺角食飯最大問題就係餐廳通常都好逼，又好嘈，想傾下計都好似嗌交咁（又係土地問題？）。上星期幾個舊同事飯聚，有個人就話揾到間好舒適，睇落又幾好食既餐廳，咁我地就一行三人去食。呢間餐廳喺新寶戲院附近，叫做「茶茶。台式料理」。一入到去餐廳就覺得舊同事無講錯，間餐廳──好光猛＋樓底夠高＋落地玻璃＋座位唔逼（我咁似介紹緊樓盤），好適合聚會傾計。呢間野主要係食台式火鍋，仲有一ｄ台式小食選擇。我地叫左２＊藥膳豚肉鍋，巴蜀烤魚鍋（ｂｂ辣），台灣小香腸，麻辣臭豆腐同埋鐵板炒韭菜。野飲都有好多款！佢呢度都有做外帶茶既生意（好有近年好ｈｉｔ既喜Ｘ影子）。我選擇左「芝士茶茶八號（少甜，７５％糖）」，而佢地兩個都係揀左「芝士莓莓」。除左芝士茶其實仲有珍珠奶茶，純茗茶，水果茶果Ｄ。聽住餐廳播羅志祥既歌（係我學生年代聽果ｄ「愛*轉角」）傾左一陣計，野飲好快就陸續送上，都幾大杯！三十幾蚊黎講真係好抵飲。我果杯「芝士茶茶八號」芝士好滑！茶就有少少回甘又唔會太甜！一攞起左杯野飲真係唔係好捨得放番低！！試左兩啖佢地既「芝士莓莓」，一樣好得！係用新鮮莓，唔係求奇用莓醬或者用人工
上星期幾個舊同事飯聚，有個人就話揾到間好舒適，睇落又幾好食既餐廳，咁我地就一行三人去食。
呢間餐廳喺新寶戲院附近，叫做「茶茶。台式料理」。
一入到去餐廳就覺得舊同事無講錯，間餐廳──好光猛＋樓底夠高＋落地玻璃＋座位唔逼（我咁似介紹緊樓盤），好適合聚會傾計。
呢間野主要係食台式火鍋，仲有一ｄ台式小食選擇。我地叫左２＊藥膳豚肉鍋，巴蜀烤魚鍋（ｂｂ辣），台灣小香腸，麻辣臭豆腐同埋鐵板炒韭菜。
野飲都有好多款！佢呢度都有做外帶茶既生意（好有近年好ｈｉｔ既喜Ｘ影子）。我選擇左「芝士茶茶八號（少甜，７５％糖）」，而佢地兩個都係揀左「芝士莓莓」。除左芝士茶其實仲有珍珠奶茶，純茗茶，水果茶果Ｄ。
聽住餐廳播羅志祥既歌（係我學生年代聽果ｄ「愛*轉角」）傾左一陣計，野飲好快就陸續送上，都幾大杯！三十幾蚊黎講真係好抵飲。
我果杯「芝士茶茶八號」芝士好滑！茶就有少少回甘又唔會太甜！一攞起左杯野飲真係唔係好捨得放番低！！
芝士茶茶八號
5 瀏覽
1 讚好
0 留言
試左兩啖佢地既「芝士莓莓」，一樣好得！係用新鮮莓，唔係求奇用莓醬或者用人工整既莓味！
隔左陣 藥膳豚肉鍋都黎到！滾起左即刻試一試個湯既味，唔錯喎，好有藥材味，層次好豐富，好似飲緊老火湯咁，好有養生既感覺！！豚肉都唔錯，唔會好多肥膏果隻，亦完全無唔新鮮果隻「益」味。
藥膳豚肉鍋
11 瀏覽
1 讚好
0 留言
鍋入面既料都好足，食極都仲有。雖然餐廳有醬料提供，但食材味道好新鮮，都唔係好使蘸醬油。
我都有試到巴蜀烤魚鍋（ｂｂ辣）既湯底，對我黎講都有ｄ辣，唔怪得之落單時個姐姐提我地ｂｂ辣都已經辣辣地。
巴蜀烤魚鍋
5 瀏覽
1 讚好
0 留言
小食方面，我好鍾意個台灣小香腸，個皮好脆，油香好香，食得好過癮，香港都無咩地方有咁正宗既台灣小香腸食。
台灣小香腸
15 瀏覽
1 讚好
0 留言
鐵板炒韭菜份量比想像中多，好有鑊氣。
鐵板炒韭菜
2 瀏覽
1 讚好
0 留言
麻辣臭豆腐──整得好有誠意，睇個色水就知好入味啦，夠晒臭！
麻辣臭豆腐
12 瀏覽
1 讚好
0 留言
食果日係平日，食到７點９左右都開始幾多人，遲ｄ出左名應該要等位了。
我實在好鍾意佢杯芝士茶！以後想飲芝士茶，唔洗再北上深圳，亦唔使去沙田新城市排長龍！！！
張貼
