影片
更多
2022-09-25
26 瀏覽
全間餐廳嘅裝修都係以木為主🪵，再加埋燈籠型嘅裝飾燈🏮，好似去咗日本嘅居酒屋咁。店員好好服務，會經常主動幫手加茶🍵。呢間居酒屋食物種類多不勝數，有沙律🥗、炸物🍤、小食、刺身🐟、壽司🍣、卷物、手卷、燒物🍗、串燒🍢、一本料理、丼飯🍱、麵🍜等等。我地叫咗火炙左口魚邊壽司(一客兩件)油甘魚腩壽司(一客兩件)同脆炸軟殼蟹卷（一客六件)。壽司配有生薑同芥末，芥末好新鮮，落好多都唔會覺得好攻鼻。左右魚邊壽司非常驚喜🤩，個人覺得火炙係令呢個左口魚壽司昇華咗，燒得恰到好處，佢嘅油香味非常突出，而且有入口即溶嘅感覺🤤。油甘魚腩壽司油脂分布均勻，食落口重油甘魚香。炸軟殼蟹卷上面鋪滿超厚嘅蟹籽同沙律醬，軟殼蟹好鬆脆😵。呢間嘅清酒煮大蜆係暫時食過最出色嘅清酒煮蜆🤗。啲蜆好新鮮，完全無沙又鮮甜，湯底調味亦都好好，飲落有陣酒香味🍶，而且唔會好鹹。食隻蜆再配啖湯，食食下就飲哂啲湯，係會令我再返嚟食嘅一道菜。流心芝士燒年糕一碟有三件，流心芝士味香又軟滑🧀，同埋一啲都唔膩，連平時唔太食芝士嘅朋友都覺得好食😋。牛肉壽喜燒好足料，牛肉嘅份量好多🤩，雖然唔係好大片，但最少有十幾片。配料都唔少，有菜、洋蔥、生蛋同粉絲。滿滿一大煲，
全間餐廳嘅裝修都係以木為主🪵，再加埋燈籠型嘅裝飾燈🏮，好似去咗日本嘅居酒屋咁。店員好好服務，會經常主動幫手加茶🍵。
呢間居酒屋食物種類多不勝數，有沙律🥗、炸物🍤、小食、刺身🐟、壽司🍣、卷物、手卷、燒物🍗、串燒🍢、一本料理、丼飯🍱、麵🍜等等。我地叫咗火炙左口魚邊壽司(一客兩件)油甘魚腩壽司(一客兩件)同脆炸軟殼蟹卷（一客六件)。壽司配有生薑同芥末，芥末好新鮮，落好多都唔會覺得好攻鼻。左右魚邊壽司非常驚喜🤩，個人覺得火炙係令呢個左口魚壽司昇華咗，燒得恰到好處，佢嘅油香味非常突出，而且有入口即溶嘅感覺🤤。油甘魚腩壽司油脂分布均勻，食落口重油甘魚香。炸軟殼蟹卷上面鋪滿超厚嘅蟹籽同沙律醬，軟殼蟹好鬆脆😵。
呢間嘅清酒煮大蜆係暫時食過最出色嘅清酒煮蜆🤗。啲蜆好新鮮，完全無沙又鮮甜，湯底調味亦都好好，飲落有陣酒香味🍶，而且唔會好鹹。食隻蜆再配啖湯，食食下就飲哂啲湯，係會令我再返嚟食嘅一道菜。
流心芝士燒年糕一碟有三件，流心芝士味香又軟滑🧀，同埋一啲都唔膩，連平時唔太食芝士嘅朋友都覺得好食😋。
牛肉壽喜燒好足料，牛肉嘅份量好多🤩，雖然唔係好大片，但最少有十幾片。配料都唔少，有菜、洋蔥、生蛋同粉絲。滿滿一大煲，好滿足。🥰
飲品我地叫咗杯梅酒，有成粒梅係酒入面。個杯好得意，都幾適合攞黎打卡，呢個設計值得一讚，酒同冰分開，可以避免冰融咗之後酒變淡嘅情況💯。
張貼
