五代同糖 (已結業)

大埔有好多糖水甜品舖,見到間舖都開左一段曰子而且又話係咩得獎食店，就入去試下，我地兩公婆叫左個火焰雪山同梳乎厘，要等成二十分鐘，為左食好嘢等一陣唔緊要,等左二十五分鐘，終於有得食，個火焰雪山係餐牌張圖明明係士多啤梨，整出黎變左藍梅，不過我地覺得好食就得啦，所以無追究，點知一食落口，個雪山超難食，淡而無味成口泡泡，食到底有d雪糕應該ok,點知又係好難食，結果我地只係食左三份一就放棄左，根住到個梳乎厘，老公一放個匙入去就可以成個梳乎厘拎起，我見到已經覺得好唔尋常，因為一般梳乎厘應該係面頭簿脆鬆軟，食落去果然出事，係我有生以來食過最難食嘅梳乎厘味道連一般街邊幾蚊嘅雞蛋糕都不如！埋單仲要成七十幾蚊！唉！唔知係我地黑仔叫左兩樣都唔好食嘅甜品，可能其他好好食，不過我地已經無信心再食lee間舖！大埔咁多甜品舖我地唔會再黎幫襯！