春水堂 (MOSTown新港城中心(4期) (已結業)

入馬鞍山搵舊同事食飯，對方已經買好左晚餐，所以我哋就喺附近買啲嘢飲上去，之前喺觀塘飲過春水堂嘅奶茶，覺得味道唔錯，所以今次都揀番佢。🎈珍珠苿香奶茶🎈珍珠鐵觀音奶茶但係今次我哋都有啲失望，因為馬鞍山呢間分店嘅奶茶味道冇觀塘飲嘅咁好味，之前喺觀塘飲茉香奶茶係有淡淡的茶香，但係哩一間分店就無，奶茶有啲稀。朋友都話佢嘅鐵觀音奶茶茶味唔夠突出。而佢嘅珍珠仍然都係細細粒，質感都煙韌，但係今次就稍為偏硬一啲。整體來講，如果下次入馬鞍山都未必會買哩間嘅奶茶，想飲都會去返觀塘店。