新安越 (已結業)

朋友住將軍澳，經常邀請我們去將軍澳食呢間越南餐廳，話要打邊爐。大家都不為意一直拖咗好耐最後才成事。但我哋唔係食越南菜，係打邊爐，個火鍋一嚟到，真係嚇一嚇，係驚喜嗰種嚇😁😁個火鍋擺設好特別，上面圍住晒全部係肥牛，其實未食，睇個樣都覺得啲肥牛好新鮮，果然同出邊嗰啲冇得比，個湯底夠辣又濃味，真係好正。其實其他火鍋配料都好味，不過自己最鍾意食肥牛所以極力推薦肥牛。利申，呢次評價之前我已經去過4次，老闆娘又好好人，成日走出黎同我哋傾偈又推介食物，可能因為地點問題，我去過4次夜晚都唔算多人。但係食物同服務質素都一流，如果你住附近真係不妨去試一下，呢個肥牛火鍋真係冇得頂👍🏻