王家沙 (已結業)

雖然之前都見評價麻麻地，但貪又一城地點方便大家，所以book左琴晚去食團年飯! 叫咗好多野食! 酸辣湯，小籠包，生煎包，擔擔面，等等…食物質素還可以，不至於差，但沒什麼特別。但見到一件好過份嘅事，不得不同大家講!話說，食食下飯，我突然嘭一聲! 竟然見到附近有位女士跌倒在地同一張斷左隻腳嘅櫈! 我見王家沙職員即刻幫佢換走張爛櫈，好似怕人會影佢相咁! 之後仲當無事發生一樣，完全無歉意! 雖然那位女士好好，冇要求賠償，但王家沙都好應該認真處理! 點可以得過且過! 試諗下如果係坐喺爛櫈嘅係老人家或者小朋友，咁後果更加不堪設想!! 我見唔少人評價都話員工無禮貌, 希望王家沙經理們正視一下員工處理事故的態度，以及餐廳枱櫈折舊問題！