影片
更多
2021-07-19
152 瀏覽
今日難得放假，於是同咗媽媽一齊食晏。今次餐廳係佢揀嘅，我都相當滿意。坐低冇幾耐，就上工夫茶。價錢唔算平，但食過之後覺得同質素相應。我哋叫咗F餐，好快就上鹹雞。雞唔肥，咸度適中，就咁食都唔會太鹹，媽媽非常滿意。蔥蒜牛肉崧煨飯十分出色。炒好嘅飯用煲仔上，應該有再熱一熱。即使冷氣大，食到最後都保持到溫度，仲有少少飯焦。飯好有鑊氣，而且又唔油，所以食多都唔膩。用料新鮮，量多飽肚，我同媽媽都幾滿意個飯。蝦餃燒賣都有驚喜，睇起上嚟比平時食開嘅大粒。蝦餃蝦肉爽口又有鮮味，唔會太鹹味。燒賣豬肉唔肥膩，豬肉都新鮮。最後叫咗一個綠豆爽清心丸甜品，甜度啱啱好，熱得來唔太滾。不過個碗崩咗就有少少唔好睇。最後俾埋茶芥，兩個人$300有找
坐低冇幾耐，就上工夫茶。
價錢唔算平，但食過之後覺得同質素相應。
我哋叫咗F餐，好快就上鹹雞。雞唔肥，咸度適中，就咁食都唔會太鹹，媽媽非常滿意。
蔥蒜牛肉崧煨飯十分出色。炒好嘅飯用煲仔上，應該有再熱一熱。即使冷氣大，食到最後都保持到溫度，仲有少少飯焦。飯好有鑊氣，而且又唔油，所以食多都唔膩。用料新鮮，量多飽肚，我同媽媽都幾滿意個飯。
蝦餃燒賣都有驚喜，睇起上嚟比平時食開嘅大粒。蝦餃蝦肉爽口又有鮮味，唔會太鹹味。燒賣豬肉唔肥膩，豬肉都新鮮。
最後叫咗一個綠豆爽清心丸甜品，甜度啱啱好，熱得來唔太滾。不過個碗崩咗就有少少唔好睇。
最後俾埋茶芥，兩個人$300有找
張貼
