怡寶馬來西亞風味餐廳 (已搬遷) 新店位置

之前係介紹新加坡肉骨茶時都講過，傳統肉骨茶有兩種，新加坡主打白色肉骨茶，白胡椒味為主。馬來西亞主打黑色肉骨茶，藥材味較濃。係公司附近呢幾個月都有光顧呢間馬來西亞餐廳，貪佢肉骨茶夠正，所以今日又去左光顧一下。拉茶源自移居馬來西亞的印度人帶來，用兩個杯子遠距離倒来倒去，看似拉來拉去，故名“拉茶”，“拉”得越長，泡沫越多，味道就會愈好。味道好香好滑，同港式奶茶風味各有不同。肉骨茶勁大煲，藥材味好香，但係唔會話好濃好苦的藥味，而且不會膩。肉排骨煮得夠腍夠香，配上伴菜的醬油同辣椒油好正！油條好新鮮，索哂D湯汁勁好味。食完之後成身暖哂！馬來西亞咖哩豬頸肉喇沙最正既係個湯底，咖喱味加喇沙，又香又濃但又唔會太辣。豆卜最正，索哂D喇沙湯，正！豬頸肉肉質有少少「乸」，肉質唔夠爽口，有點失分。咖喱牛腩飯既牛腩好多，夠哂足料。牛筋好腍，牛腩入味，咖哩算幾香，醬汁好濃，用黎撈飯少少辣，惹味！