聘珍樓 (已結業)

來到聘珍樓, 咦! 個門口咁細既, 原來去左後門. 由於係朋友請客, 朋友一早已經點好菜了.坐底無耐先上叉燒 ，差不多全瘦無肥肉，所以有小小鞋. 再上白切雞 ，雞肉熟得恰好, 嫩滑有彈性，有雞味, 一食便知係新鮮雞.之後兩個蝦煲, 一個沙嗲粉絲, 另一個係薑蔥. 兩煲都係用新鮮游水蝦, 鮮甜肉彈, 沙嗲粉絲較惹味, 粉絲好入味. 另外蝦起左一半殼，容易食之餘亦更加入味, 抵讚.再來椰汁南瓜雜菇煲，一個蓋就聞到椰香,南瓜及菇香，南瓜腍得尼唔會一夾就爛，菇好入味，可惜唔係秋天南瓜當灶, 南瓜未夠甜. 之後兩個上清菜清一清味蕾, 薑汁芥蘭清爽甜, 上湯浸莧菜夠腍入味, 兩碟好快就被清空了.最後來個魚香茄子炆米結尾, 米粉好入味, 微酸微辣夠醒神, 加點xo醬多點辣更好味.好有水準的一餐, 味蕾及腸胃都非常滿足. (由於朋友請客, 埋單價錢不詳)