影片
更多
2015-04-17
1865 瀏覽
我都真係未食過一間素食館係咁令我眼火爆！又貴又冇料到，而且仲體驗到員工之合作性不足同埋唔夠care客人感受。第一， 講下杯茶先。嘩大佬，咩味黎架？又淡又唔香，衰過茶餐廳。如果係有啲咩養生作用呀都原諒佢，可惜職員完全冇講解到…咁好可能只係一杯又難飲又普通的茶。我地總共order左5個菜，都真係洗左成好多錢，但真係唔知食左啲咩落肚。我地想食倘藍帶豬扒啦，第一個staff同我地講冇；第二個staff又同我地講有，咁其實係有定冇？我都就黎食完飯，佢先同我講碟菜黎緊、叫我等多佢10分鐘。我即管睇下個藍帶豬扒有幾巴閉，要我等咁耐。一上枱份量很大很驚人！入口是鬆脆熱辣辣的，而且同真豬扒口感都冇分別，但口感實在太複雜啦@@！又有好rich既芝士、又要點好濃味既沙律醬…但我真係唔明白點解整左成個幾鐘，好明顯其實係混亂之下冇落到單囉。滷水拼盤有豆腐、冬菇、薯仔、蛋。其實蛋唔係我自己叫架，係原本叫既野冇曬佢格硬俾我。其實我都幾唔buy當冇貨果陣唔同客人講就自把自為俾左第二樣野人地囉。咁就算拼盤冇我叫果樣野！都可以俾我簡返我想要食的東西之下話？滷水拼盤除左薯仔之外其他野味道一般，薯仔醃得算係入味同淋，但其實都
我都真係未食過一間素食館係咁令我眼火爆！又貴又冇料到，而且仲體驗到員工之合作性不足同埋唔夠care客人感受。
第一， 講下杯茶先。嘩大佬，咩味黎架？又淡又唔香，衰過茶餐廳。如果係有啲咩養生作用呀都原諒佢，可惜職員完全冇講解到…咁好可能只係一杯又難飲又普通的茶。
我地總共order左5個菜，都真係洗左成好多錢，但真係唔知食左啲咩落肚。我地想食倘藍帶豬扒啦，第一個staff同我地講冇；第二個staff又同我地講有，咁其實係有定冇？我都就黎食完飯，佢先同我講碟菜黎緊、叫我等多佢10分鐘。
我即管睇下個藍帶豬扒有幾巴閉，要我等咁耐。一上枱份量很大很驚人！入口是鬆脆熱辣辣的，而且同真豬扒口感都冇分別，但口感實在太複雜啦@@！又有好rich既芝士、又要點好濃味既沙律醬…但我真係唔明白點解整左成個幾鐘，好明顯其實係混亂之下冇落到單囉。
滷水拼盤有豆腐、冬菇、薯仔、蛋。其實蛋唔係我自己叫架，係原本叫既野冇曬佢格硬俾我。其實我都幾唔buy當冇貨果陣唔同客人講就自把自為俾左第二樣野人地囉。咁就算拼盤冇我叫果樣野！都可以俾我簡返我想要食的東西之下話？
滷水拼盤除左薯仔之外其他野味道一般，薯仔醃得算係入味同淋，但其實都只屬一般水平。其他野係有味但食唔出係滷水，但完全冇花椒八角香料味。
所謂的素東坡肉只係一舊白水煮冬菇，無論賣相、味道、香味統統冇樣似東坡肉。咁貴食舊冬瓜其實真係會無名火起，而且仲要唔係好味，認真攞命！藍帶豬扒係仿製肉食，素東坡肉絕無仿製肉類之意又唔係擺明只係一碟蔬菜，令一眾食客根本捉唔到呢間素食店的風格。冇風格對一間食店黎講係大問題，令其難以立足！
滷水拼盤
46 瀏覽
0 讚好
0 留言
素東坡肉
52 瀏覽
0 讚好
0 留言
藍帶豬扒
84 瀏覽
1 讚好
0 留言
張貼
