影片
更多
2017-06-15
611 瀏覽
納悶嘅星期一早上，好想去飲杯咖啡，於是走咗嚟佐敦，點知想飲嗰間冇開，心情更加納悶兼即時燥底！好在喺呢個時候見到隔離有間賣法式麵包嘅舖開咗門，咪走入去睇吓囉。可能我好唔鍾意食baguette啦，所以恕我四圍食野但真係唔識呢間喎，原來除咗baguette仲會賣麵及蒜蓉包，一片蒜蓉包$9平平哋，咁就買件試吓啦，希望食完之後心情會好啲啦蒜蓉包 ($9)由於晏啲會去食lunch及我真係唔鍾意食baguette嘅關係，於是叫咗個最愛嘅蒜蓉包試吓。俾完錢老闆俾張卡仔我叫我等，等呀等，四圍望，原來好多報紙雜誌都有介紹過呢度。除咗即叫即做嘅食物外，仲有一個放滿雜貨嘅架，等咗大概5分鐘就有得食喇，比平時喺餐廳食開嗰啲大件好多！瞬間一陣香氣撲上嚟，香到暈咗！外層烘得香脆金黃，中間搽滿蒜蓉牛油，唔理佢有幾熱已經一啖咬落去。哇，脆得嚟又唔會刮咀，又不失軟綿，蒜味超香濃，好好味！唔洗1分鐘已經食晒，超正！好在有走入嚟試吓，心情豁然開朗返~
蒜蓉包 ($9)
由於晏啲會去食lunch及我真係唔鍾意食baguette嘅關係，於是叫咗個最愛嘅蒜蓉包試吓。俾完錢老闆俾張卡仔我叫我等，等呀等，四圍望，原來好多報紙雜誌都有介紹過呢度。除咗即叫即做嘅食物外，仲有一個放滿雜貨嘅架，等咗大概5分鐘就有得食喇，比平時喺餐廳食開嗰啲大件好多！瞬間一陣香氣撲上嚟，香到暈咗！外層烘得香脆金黃，中間搽滿蒜蓉牛油，唔理佢有幾熱已經一啖咬落去。哇，脆得嚟又唔會刮咀，又不失軟綿，蒜味超香濃，好好味！唔洗1分鐘已經食晒，超正！
蒜蓉包
$9
49 瀏覽
0 讚好
0 留言
好在有走入嚟試吓，心情豁然開朗返~
張貼
