LA FAMILLE

營業中

休息中

💡令人迷上的戚風蛋糕🎂🧡每次經過見到佢地嘅蛋糕都心心眼，因為款式有好多，亦都整得好靚，最重要係有迷你版戚風蛋糕，可以一次過食幾種口味，就算食完都唔有覺得有罪惡感🥰🍽日本日向夏蜜柑🍊呢款係期間限定款式，滿滿蜜柑果肉好吸引，味道濃厚，酸甜清爽。戚風中間有滿滿香滑嘅cream，酸酸甜甜唔會覺膩戚風蛋糕極之鬆軟，清新中帶醇厚柑果香氣😋🍽京都焙茶 🍵蛋糕帶有濃郁焙香既茶味，食落唔會覺得苦。內餡嘅焙茶忌廉味道更濃，香滑得黎帶點茶甘香👍🏻蛋糕整體鬆軟濕潤，口感煙煙韌韌又軟綿💚🍽英國伯爵茶☕️係一款高貴氣質蛋糕。蛋糕有伯爵茶獨特的佛手柑香氣，雖然唔算好濃，但微甜嘅蛋糕絕對唔會搶左伯爵茶嘅香，啱曬唔鍾意食太甜嘅女小編😍🍽焦糖完熟香蕉🍌香甜嘅香蕉味，唔會帶香精味面頭既裝飾重有蛋白脆餅、紅桑子。上面個兩粒朱古力脆餅，令軟熟嘅蛋糕多一種香脆嘅口感，推介！ps/佢地所有甜品都有好多款式，而且又多分店，啱曬自己食，又唔會內疚！