國金軒

營業中

休息中

國金軒- 尖沙咀美麗華 近排中左好多個伏，係時候要去食番d穩陣野！這裡是曾經的飯堂，都半年無黎過，依然係保持水準。 脆皮燒腩仔，腩仔皮脆肉嫩，完全唔油膩蜜餞义燒皇，义燒肉香亦嫩，肉質彈牙有質感桂花糖脆鱔球，外脆內嫩，甜香恰度好處 黑松露蟹籽元貝皇，元貝雖然唔係話好鮮甜，但其他蟹籽將佢鮮味層次提升左。 椰皇竹笙燉鮮鮑，椰香四溢！鮑魚稔亦鮮，竹笙吸哂椰香湯後入口感覺五臟六腑都滋潤哂！ 棗皇糕，非常足料！難得嘅糕！絕對唔係坊間似膠果種添加味嘅彈彈糕，放落碟度即時睇到佢痴住嘅棗蓉。從味道至口感都做得非常全面！ 蛋白燉鮮奶，香、滑、味濃～口感細膩，碗底有荔枝果肉，將食燉蛋嘅飽滯感完全化解哂！非常滿意嘅一餐。食到好味心情真係好正！期待再次食。