影片
更多
2022-11-23
481 瀏覽
今日去開將軍澳做野，午餐決定食好啲☺️見到呢間海街丼嘅裝修走日本傳統居酒屋嘅路線，加埋柔和嘅日本樂曲，都幾有去左日本嘅感覺。上網睇番先知原來呢間餐廳係東京同涉谷已經有分店，後來再經2位香港店主帶嚟香港。海寶丼 (並) ($90, 9/10)呢個set有前菜，海寶丼，麵豉湯同烏龍茶 (可添飲)。上菜時店員特別介紹本身個丼飯係白飯，可以按個人喜好將壽司醋啫喱撈入白飯，呢個做法都幾好，可以自己調節酸度，唔鍾意醋飯嘅朋友亦可以直接Skip 左佢。丼飯入面有角切吞拿魚，油甘魚，蜆肉，八爪魚，鰻魚，小扇貝，帶子裙邊，三文魚籽，青瓜等，份量十足，完全唔腥之餘，亦食到各樣海產嘅鮮甜味。Wasabi 相信係鮮磨而成，感覺好fresh。前菜係醃漬蓮藕，酸酸甜甜咁，係幾開胃嘅冷盤。麵豉湯唔會太咸，烏龍茶亦都唔錯。整體我覺得呢個set加埋一都唔使$100，性價比相當高，絕對會再訪！💰人均:$100
海寶丼 (並) ($90, 9/10)
呢個set有前菜，海寶丼，麵豉湯同烏龍茶 (可添飲)。上菜時店員特別介紹本身個丼飯係白飯，可以按個人喜好將壽司醋啫喱撈入白飯，呢個做法都幾好，可以自己調節酸度，唔鍾意醋飯嘅朋友亦可以直接Skip 左佢。丼飯入面有角切吞拿魚，油甘魚，蜆肉，八爪魚，鰻魚，小扇貝，帶子裙邊，三文魚籽，青瓜等，份量十足，完全唔腥之餘，亦食到各樣海產嘅鮮甜味。Wasabi 相信係鮮磨而成，感覺好fresh。前菜係醃漬蓮藕，酸酸甜甜咁，係幾開胃嘅冷盤。麵豉湯唔會太咸，烏龍茶亦都唔錯。
整體我覺得呢個set加埋一都唔使$100，性價比相當高，絕對會再訪！
💰人均:$100
20 瀏覽
0 讚好
0 留言
張貼
