樂湯雞麵館 (庇利金街) (裝修中)

今日朋友帶我嚟咗呢間餐廳，話呢度係佢嘅飯堂，今日就跟咗佢泥喺度食飯。小店裝修簡約，但係座位都算舒適，餐牌嘅選擇都幾多，經過朋友介紹，我哋點左幾款熱門小食。我哋分別點左口水雞同沙薑雞。呢度嘅辣汁有別於坊間，比一般餐廳辣好多，佢哋嘅雞都好滑，而且雞味濃郁，好有驚喜！手拍青瓜同麻辣雲耳都好出色，青瓜好清新，而且好爽口，雲耳配上佢哋嘅麻辣汁，味道提升不少。主食係砂鍋龍王雲吞雞，我就選擇左粉絲。呢度嘅湯底都好濃郁，粉絲吸收晒湯嘅味道，最後我忍唔住飲晒成碗湯！XO 醬海味三絲撈刀削麵入面有花膠同海參，而且份量都好多，冇諗過呢個價錢會食到呢個質素嘅食物。鍾意食雞湯麵同埋麻辣嘅朋友一定唔可以錯過呢間餐廳！