帝景軒 (已結業)

上年十一月既時候，感覺真係太耐太耐冇食過自助餐了，平時食放題食得多有啲厭，撞正佢有個雙人住宿優惠連自助晚餐，係因為酒店唔知幾多週年優惠，於是就即刻BOOK左同男朋友去食，本身都冇咩太大期望，食完真係令人難以忘懷，真係好好食，首先入到去個場地好光猛好乾淨，刺身sushi個檔就要行出去門口先有得拎，食物種類有好多，熟食最中意係個牛舌，口感好林，而且配埋個醬汁係perfect, 最正係佢啲冷盤，又長腳蟹、青口、熟食仲有蒜蓉蒸扇貝，救命全部都係我最中意食，甜品方面選擇就唔多，而且fill得有啲慢，但有朱古力Fountain 所以總括而言係好高質既自助餐!! 絕對會想返尋味!