影片
更多
2013-03-16
1075 瀏覽
我未寫過食評都要開個ACCOUNT公開呢件前所未遇過嘅事!3月8號大概2：30PM 打算同媽咪去下午茶，因為平時去開個間附近大裝修（在君傲灣），所以就去將軍澳中心間海港。咁我地差唔多3PM 入去，媽咪就打算叫爹地3：30放工後黎JOIN，就同D知客講話3位。我地如常點野食。到大概3：35PM，爹地打俾媽咪話放工，但佢拎住好多公司野，話唔黎飲茶。咁我媽咪就同其中一個黑衫員工講話有一個人唔黎 （意思叫佢在將卡度減番個茶位），但個員工語氣麻麻咁話 “我唔會同你減咖，你地咁樣臨埋單先話改做2位茶，唔會同你減” ，佢一路講一路行開做其他野。我媽咪費事同佢嘈，覺得係佢特別麻煩先唔減。我媽咪跟住就揾第2個黑衫員工改茶位，今次呢個即刻刪走1個茶位，簽埋名。正當我地談論緊第1個黑衫麻麻煩煩之際，頭先改茶位的第2個黑衫行番黎，問我地係咪一開始講左3位，我地話係，跟住佢講話咁唔改得，我地無應佢，佢就望番第1個黑衫，第1個黑衫立刻走過黎話 “2位就一定要搭枱，3位就唔使搭。你地入黎時話3位，咁所以無搭枱，臨埋單先話轉2位就吾得。”你地入黎時知客有講的。” (1：我地明明直入；2：如果有講，知客會同我地講我
我未寫過食評都要開個ACCOUNT公開呢件前所未遇過嘅事!
3月8號大概2：30PM 打算同媽咪去下午茶，因為平時去開個間附近大裝修（在君傲灣），所以就去將軍澳中心間海港。
咁我地差唔多3PM 入去，媽咪就打算叫爹地3：30放工後黎JOIN，就同D知客講話3位。我地如常點野食。到大概3：35PM，爹地打俾媽咪話放工，但佢拎住好多公司野，話唔黎飲茶。咁我媽咪就同其中一個黑衫員工講話有一個人唔黎 （意思叫佢在將卡度減番個茶位），但個員工語氣麻麻咁話 “我唔會同你減咖，你地咁樣臨埋單先話改做2位茶，唔會同你減” ，佢一路講一路行開做其他野。
我媽咪費事同佢嘈，覺得係佢特別麻煩先唔減。我媽咪跟住就揾第2個黑衫員工改茶位，今次呢個即刻刪走1個茶位，簽埋名。正當我地談論緊第1個黑衫麻麻煩煩之際，頭先改茶位的第2個黑衫行番黎，問我地係咪一開始講左3位，我地話係，跟住佢講話咁唔改得，我地無應佢，佢就望番第1個黑衫，第1個黑衫立刻走過黎話 “2位就一定要搭枱，3位就唔使搭。你地入黎時話3位，咁所以無搭枱，臨埋單先話轉2位就吾得。”你地入黎時知客有講的。” (1：我地明明直入；2：如果有講，知客會同我地講我地3個所以吾使搭枱？；3：點解2位一定要搭枱， 咩規例？我去過的連鎖酒家都有得選擇唔搭枱）
我同媽咪開始嬲嬲地佢D態度，講到我地呃佢話3位，同埋佢好唔妥有人幫我地改番2位。我就話第3個可以黎咖，但佢5PM 黎。佢就話” 好呀，等埋食晚飯咁好呀，多謝晒先” 我就同佢講話我會打去OFFICE投訴。佢仲係好吋咁回應” 多謝你送我一程喎，我都想唔做好耐，真係好。” (佢係全程無企定但又在我地枱旁邊不停近距離來回)
THEN,我媽咪過左收銀處拎海港OFFICE電話，再去問呢個黑衫拎佢個名，佢俾左自己卡片出來，TITLE 係店長。我打去投訴期間，佢又行過黎枱叫我地TICK多D野食，慢慢等到晚飯。我同電話中OFFICE的職員講話個店長又走埋黎撩交嗌，佢都覺得好莫名其妙。個店長繼續講野，話自己一個月做幾百萬生意好忙好吾得閒。我媽咪本身同地產AGENT講緊電話，但見佢死CHER住我地唔放，就同佢講” 我宜加係2個咖啦，可以搭枱咖，但無人搭，再吾喺不如你坐落黎搭。”而我繼續同緊OFFICE職員講緊件事嘅發展（亦因為我都費事理個店長，雖然差唔多4PM，但周圍有人）
大概4PM，突然間個店長著左件灰外套坐落嚟開單開位開茶（搭枱！當時D枱 8成吉），當時我媽咪仲講緊電話，我即刻同OFFICE職員講個店長坐埋落黎，我要影相後再打俾佢。 佢面懵懵俾我影完幾幅相後揾左份報紙睇 （遮面），我媽咪傾完電話後同我坐左去隔黎張吉枱 （當時D枱 8成吉）跟住個服務態度”一流”嘅店長無再出過聲，我同媽咪飲多幾杯茶都埋單走了～
另外，我3月8日投訴完，海港OFFICE答應話會3月11日覆我，但呢2日都無覆，寫上網實際D！
張貼