海港酒家 (已結業)

朋友生日，收得夜，所以打邊爐宵夜。揀咗將軍澳海港，因為將軍澳區來講收得最夜。下次都係揀觀塘海港仲好，再夜啲，唔使被摧趕。象拔蚌 - 新鮮，爽口。蝦丸 - 爽口、好味。Encour。花膠 - 夠琳，淥一陣已經好琳，讚！食物全都新鮮好味。

真係一肚火！由12:22分攞飛排隊飲茶，攞B118號飛，等到1:55分，佢開始洗飛，由B65狂跳到B118。問題1:佢洗得咁快嘅飛，係咪真係有咁多位比人？定係有位比晒啲搭枱客，搞到要洗飛？問題2:早5分鐘比正價飛嘅入，如果唔入，要重新排隊攞下午茶飛。你地當啲客係咩呀？任你劏呀？

將軍澳飲早茶而又好食既茶樓唔算多，海港算係幾大，食物質素又ok既一間！今日見放假就同屋企人黎飲茶。皮蛋瘦肉粥係一如以往既好味。啲皮蛋好溶好香，肉絲唔會話乸埋一舊。加咗胡椒粉吊吊味仲正！$7.8嘅鳳爪排骨飯算係咁！啲鳳爪嘅醬同埋排骨嘅肉汁落左個飯度之後，個飯就變得好吸味。 今朝因為想食豬腳薑特別叫左煲。唔好睇佢個碗細細，入面都有成四舊豬腳，煲得好林好入味！其實佢最好食係個紅棗糕！我每次黎飲茶都會叫。唔會太甜，作為甜品非常健康有益！不過就係因為太好味唔記得左影相。

今日下午我們去咗將軍澳中心嘅「海港酒家」飲下午茶！我們叫咗翡翠筍蝦餃皇、潮州蒸粉果、XO醬炒腸粉、香煎蘿蔔糕、銀蘿千絲酥同五香咸水角！翡翠筍蝦餃皇嘅蝦好爽滑彈牙！潮州蒸粉果嘅煙韌彈牙，餡料相當豐富！XO醬炒腸粉嘅味道非常惹味，腸粉亦好嫩滑！香煎蘿蔔糕煎得外層好香脆，蘿蔔糕亦好鬆軟！銀蘿千絲酥嘅表面好酥脆，入面嘅蘿蔔絲亦好清甜！五香咸水角嘅外層煙韌彈牙，色澤亦好金黃！

下午來到，叫左3碟野，一籠菜肉包，黃金蝦 同 避風塘鮮魷菜肉包等左20分鐘，正常，夠熱黃金蝦HKD36﹣等左40分鐘先到蝦很大，蝦本身味道ok，但係過分油膩，無咩蛋黃味，上臺時候已經冷卻，完全唔掂。避風塘鮮魷HKD28﹣都係等左40分鐘先到，比蝦更加唔掂 ﹣脆漿過厚，而且炸的超級油膩，上臺時候已經完全冷卻（外皮＋裡面嘅鮮魷都係完全凍）。可以想像呢d 炸野如果脆漿咁厚，又灘凍嗮會有幾難食。結果除嗮d 脆漿先食，裡面嘅鮮魷好少。服務員態度一般，好似唔係好夠人手。去過旺角分店好多次，好勁多，呢間真係唔會再去。

<('ω')>我又黎食蟹啦 <('ω')>十月係食大閘蟹既好時機, 繼上回 上海小南國大閘蟹宴後, 我又再食蟹啦!! 今次我係幫襯屋村抵食之選既 海港酒家!嘿嘿, 其實上年我已經幫襯架啦, 我記得好似係 $48 隻架咋, 今年要 $68! 但 $68 都好抵食, 足5両!海港既大閘蟹係來自老三陽, 有信心保証! 可以散叫 $68 一隻之餘, 亦都有大閘蟹餐, 不過係六人或十二人餐, 但都非常抵食!而我主力食蟹, 所以選擇散叫!! 海港d野食真係抵食又大碟, 先叫姬茸菇花膠燉螺頭 ($108) 足料且可分到8碗咁多架~呢個燉湯真係 very good! 足料又好味, 雖然係薄薄花膠, 但無腥味; 螺頭亦原隻無縮皮, 飲完想再飲!叫左個黑椒豬手煲 ($78)! 係因為上年黎食又係超好味, 要 encore, 雖然同蟹唔太配, 但好想食, 叫!! 呢個亦都係推介, 好惹味, 黑椒惹味之餘又少少辣, 加埋預先少過既洋蔥墊底, 用黎勞飯一流~先黎第一 Round!! 非常新鮮滾熱辣! 一開蓋就流油, 回甘既膏, 蟹肉亦飽滿, "蟹大腿"就好似食緊蟹柳般, 正!唔洗

自從知道升職以後, 已經請同事友好幾餐飯局, 又怎能少了家人的一餐呢? 飯局一拖再拖之後, 終於順利在月初進行! 其實早於飯局一星期前, 已經致電酒家訂座. 不過酒家的答案卻令人費解, 一時說不設電話訂座, 一時又說要預付$200訂金; 當到達酒家付訂時, 又說半圍的飯局不設訂位, 必須親自到場等位, 不同職員說不同的話, 令人混淆!! 結果當晚我們於晚上六時多到達酒家, 不用等位, 已經有空枱了! 我們點的是半圍的超值全包宴，盛惠$698，免收茶芥加一，兼送一支大嘉士伯啤酒和兩罐飲品, 價錢合理。點菜時, 一個看似部長的女子問我們是否人齊, 我們說等一下才上菜吧! 怎料她很串地說"唔得喎! 點左就即刻上啦!". 剛好姐夫趕到, 於是便點菜, 而菜餚又的確很快開始上枱, 不知是否一早煮好呢??黑松露黃玉參炒蛋: 看起來只是一碟普通的炒蛋, 但細看之下, 蛋的上面的確有些黑色一點點的東西, 應該就是黑松露吧! 而夾雜在炒蛋裡的, 正是已經切成條狀的黃玉參和蔥花. 黃玉參的質感像平常吃的海參一樣, 滑滑的; 炒蛋炒的得過火, 所以口感較嚡口.  這小菜雖然入口清新, 但卻沒有甚麼味道可言.

家姐生日飯, 諗住近佢屋企, 於是我前一日打電話去訂枱, 接線的C9廣東話唔太正宗, 一開始佢已經好似叫你唔好黎食咁, 語氣差到無朋友, 講野完全無尾音, 仲要唉唉聲咁, 個刻真係想爆粗鬧佢! 到食飯個日, 我地一枱共十人, 一路食都無乜野既, 跟住叫一個穿黑色制服的C9攞蛋糕, 咁佢個頭應完你, 轉頭已經無左件事, 算! 我當你忙唔記得左, 咁我就搵第二個啦, 終於等左十分鐘, 個蛋糕黎喇, 諗住問一個男侍應借火, 又係個頭應完你, 轉頭無左件事, 結果搵左一個穿粉紅色制服既女侍應, 呢個侍應我諗係全酒樓最好的一個了, 起碼佢識笑....., 食完蛋糕, 因為食剩好多餸, 唔想浪費, 唯有打包喇, 於是叫番穿黑色制服個位C9攞個盒黎, 佢今次有做野喇! 不過攞到黎個陣就咁掉係度, 係真係掉個隻.....嘩, 大佬, 我知廣告都有教食唔哂唔好哎, 咁我都諗住打包啦, 你唔洗咁兇狠卦?! 埋完單准備走啦, 咁我地有兩個小朋友, 係我姨甥黎, 我覺得佢除左嘈D之外, 都算可愛既, 咁佢唔知做乜向個位黑色制服既C9做左個鬼險之類啦, 個C9竟然回以一個極厭惡、憎狠同埋鄙既眼神啤住我姨甥, 我

　我未寫過食評都要開個ACCOUNT公開呢件前所未遇過嘅事!3月8號大概2：30PM 打算同媽咪去下午茶，因為平時去開個間附近大裝修（在君傲灣），所以就去將軍澳中心間海港。咁我地差唔多3PM 入去，媽咪就打算叫爹地3：30放工後黎JOIN，就同D知客講話3位。我地如常點野食。到大概3：35PM，爹地打俾媽咪話放工，但佢拎住好多公司野，話唔黎飲茶。咁我媽咪就同其中一個黑衫員工講話有一個人唔黎 （意思叫佢在將卡度減番個茶位），但個員工語氣麻麻咁話 “我唔會同你減咖，你地咁樣臨埋單先話改做2位茶，唔會同你減” ，佢一路講一路行開做其他野。我媽咪費事同佢嘈，覺得係佢特別麻煩先唔減。我媽咪跟住就揾第2個黑衫員工改茶位，今次呢個即刻刪走1個茶位，簽埋名。正當我地談論緊第1個黑衫麻麻煩煩之際，頭先改茶位的第2個黑衫行番黎，問我地係咪一開始講左3位，我地話係，跟住佢講話咁唔改得，我地無應佢，佢就望番第1個黑衫，第1個黑衫立刻走過黎話 “2位就一定要搭枱，3位就唔使搭。你地入黎時話3位，咁所以無搭枱，臨埋單先話轉2位就吾得。”你地入黎時知客有講的。” (1：我地明明直入；2：如果有講，知客會同我地講我

晚上和焯焯出外揾食，經過將中海港，見門口有張poster龍躉兩吃都是$98份，於是2人決定入內要了一份龍躉加一個四川口水雞。口水雞很快到，原來是凍吃，紅紅麻辣醬佈滿整碟雞，加上花生碎和葱碎令醬汁更加濃郁之外，亦可中和麻辣味，其實食落又不覺很辣，伴雞的4件皮蛋很難吃，不是溏心，入口有很重的「壓」味。翡翠炒球 – 碟底大量西芹，龍躉球有7件，魚肉爽滑不腥，焯焯說味較啖要點蠔油吃，但我覺鹹味剛剛好。蒸頭腩骨 – 雖然是骨，但肉仍很多，兼有木耳；碟頭比我想像中的要大，我們各要了一碗白飯，伴食一流。走時發覺差不多食客都有選這龍躉兩吃。

一星期前已訂座在海港酒家吃團年飯，點了一圍超值全包宴，盛惠$1898，免收茶芥加一，兼送兩支大嘉士伯啤酒和兩瓶飲品(可選竹蔗水或橙汁)，價錢合理。我們在六時半準時入座，座位在最入、近玻璃窗處，可惜桌與桌間太靠近，連停放嬰兒車也沒空間，環境很擠迫。服務方面，負責上菜的侍應態度親切，會逗玩小孩子。不過上菜速度實在太急，連續不間斷地送上食物，桌上不停要騰出空間，令我們吃得很匆忙。我明白臨近年尾，家家戶戶都要團年，週末的晚市是酒樓的黃金高峰期，一張桌得做兩輪生意，但也要顧及客人的感受嘛！食物方面，由於一切早已煮好，所以大部分都涼了，令人失望。我們吃了～鴻運乳豬大拼盆：我是海蜇迷，可是今次的海蜇很差，淡而無味，真懷疑是否忘了放調味料。乳豬皮尚算香脆，燒排骨肉嫩入味，挽回失分。上湯焗大蝦球伊麵底：蝦肉很多，算爽口，但伊麵的茨汁又多又稀，感覺像湯麵。西蘭花珊瑚炒帶子：完全是凍的，到底煮熟後放了多久呢？西蘭花很硬、頗生，好像未煮熟般，差！珊瑚蚌和帶子算多，但沒有鮮味。竹笙海皇大生翅：我們開始用膳近十五分鐘已送上，早已分成一碗碗，我急得連拍照也忘了，吾則大家一看相片便發現它有多稀。入口味道極淡，所謂的「

是夜初五，約好了舊同學團拜，當中不少都已經結了婚，而且當中不少又生了小朋友，所以是夜見到好多BB，感覺非常有趣，回想起來，自己也老了。團拜也要醫肚，本人也是集中談吃好了，我們一行十人，最後點了八味菜，另外再要了香飯，由於當中涉及半隻燒鵝及一碟大的燒味拼盤，所以相信已經是很夠吃的了。先來的是大的燒味拼盤，當中分別有乳豬、叉燒、海蜇及油雞，乳豬的皮明顯是因為放涼吸了濕而變得不太脆口，而且皮下的脂肪蠻多，肉質細滑嫩口，但有點過腍變散的口感；海蜇不是太爽口，不過鹵得夠入味，而且也不會如橡皮筋般韌，個人認為已經很不錯。油雞的表皮很是深色，顯然是非常入味，吃下一口雞皮，軟滑入味又夠薄，不過稍嫌就是不夠雞油脂香，雞肉也不多脂肪，這一點真的很不錯，不過礙於用的始終也沒可能是新鮮雞，肉質較散而且一點雞味也沒有，不過沒有雪味已經是很不錯的了。燒味中的另一主角是叉燒，其份量也頗為慷慨，叉燒有着叉燒醬的香甜，鬆軟的肉質帶着間隙的脂肪，邊皮位有點炭烤過的痕跡，入口為味蕾帶來適當的油脂香，也有豬肉的味道，總括而言，此店的叉燒雖不是很好，但也真的一點也不賴。吃過燒味，再吃燒鵝，海港有名的是燒鵝，以前也在另一分店見識

姐夫喜愛飲茶, 所以每逄入去將軍澳, 中午飯多數都是去酒樓飲茶, 今次去了將軍澳中心的海港酒家. 星期六中心時候, 可能是正價的關係, 居然不用等多久就有位! 由於已經肚子餓, 所以二話不說, 在點心紙上剔了不少點心, 如蝦餃, 燒賣蘿蔔糕, 牛肉腸粉, 义燒包, 雞扎, 也點了部分平常不會點的, 例如芒果布甸, 臘味飯等等. 點心的水準尚可, 與一般的屋村酒樓差別不大, 是可入口但不覺得美味的一類. 不過, 午市正價的價錢一點也不便宜, 而且環境十分嘈吵, 服務又很一般. 沒有要求的話, 還是飲得過的.

Usually I will post pictures of food, but the service so despicable that I can't be bothered.The other branch at MaOnShan was not that irritating.Anyway, I went to reception on behalf of someone who had booked the table, and the receptionists were busy ignoring me, so I patiently waited.However the people behind just jumped the queue and spoke to the dragon ladies and somehow they responded so maybe this is the way in Hong Kong, there is no such thing as civilisation in Kowloon.To be precise thi

今日同屋企人嚟食飯，亞媽一早喺8月底已預訂「優選夜宴」全包宴及落訂＄300作實。到落單時，好彩睇下張上菜單，發現當中食物與所訂套餐不符，於是搵個著黑色套裝的女士問清楚，佢嘅答覆係：「你地訂個套餐已經無做喇，而家做緊另一個套餐，價錢是一樣的。」我地當然唔肯收貨，一､我地一早落訂，嚟到你先同我講話個套餐無做，佢地亦無預備材料，咁大個集團，顧客一早預訂及落訂都可以話無就無，咁預訂嚟做乜？二､與該女士對質其間，其態度敷衍，給人感覺是「你食就食，唔食就算」之感。將其公司的錯誤，強要客人接受。最終，該女士找來另一男經理，經我們再三堅持，才肯供應我們所訂之套餐。此為我們一早預訂的套餐，其單張亦註明供應期至2011年9月30日。我們當晚向酒家部長／經理詢問時，她亦親口指套餐供應至9月30日。新菜單，開始供應日期為9月14日基本上食物水準尚可，唯獨是乳豬拼盤內的牛𦟌大帶有酸味，懷疑變壞。另外，原先指沒有材料而不能供應的千絲帶子黃金球，我們每人只吃頭一口已發現有酸味，懷疑食材變壞，我們向經理投訴，其試食後指只是雪藏味已不是變壞，但我們從未食過帶有酸味的雪藏蝦球，可能是我們太孤陋寡聞。拼盤味道尚可，但牛𦟌帶