名人私房菜 (已搬遷) 新店位置

一大班人去食飯，最好就係食私房菜，有朋友介紹話呢道用料新鮮，咁當然值得一試。老細話先食糯米雞，我就覺得奇怪，糯米雞有乜咁特別，要黎到食私房菜，心裡有點不悅。點知上左菜，係名副其實既一隻雞，呢隻雞係用荷葉黎煮，所以雞肉有好清香荷葉味道。切開隻雞原來真係糯米飯，糯米除左有荷葉香之外仲有雞肉既鮮味，第一道菜已經有驚喜。黑椒金不換炒蝦呢一道菜非常之有星馬風味，好香嘅黑椒味， 金不換葉，完全滲透哂蝦入面，黑椒味更加提升左蝦嘅鮮味，互相輝影，呢一道菜非常之得！仲有係蒜蓉蒸貴妃蚌，蒸既時間剛剛好，所以貴妃蚌既質地夠滑溜，一吮就sir入喉嚨，香濃既蒜蓉味係我既至愛，加上粉絲蒸，索晒蒜蓉香同埋蚌汁，實在係嫌唔夠喉呀！