泰海鮮 (已結業)

平時食海鮮都會選擇來到三聖邨。今次朋友介紹來到這間泰海鮮，推介它的另類煮法，就一行八人來試一試吧。因為唔知有咩煮法，所以都係侍應推介。食咗第一碟嘅白酒忌廉煮花甲配烏冬，真係好好味，酒味同忌廉味都好濃，有朋友話酒味太重，我就覺得啱啱好。我哋仲有食左芝心蝦丸、青山灣焗龍蝦、薑蔥鮑魚煲、咖喱炒蟹、豉汁炒聖子皇、海鮮湯等。整體上所有海鮮都煮得很美味，但咁多樣比較，我都係覺得白酒忌廉煮花甲最特別，覺得好難喺第二間餐廳食得番。推介！