緣聚鮮鍋 (已結業)

今晚同屋企人嚟「緣聚鮮鍋」打邊爐，大家都讚不絕口，真心驚喜！餐廳位於荃灣大鴻輝中心，環境非常闊落，坐得舒服。湯底選擇包羅萬有：黑蒜湯底、壽喜燒、風味麻辣、蕃茄湯底、芫茜皮蛋...... 而我哋就揀咗要加$18嘅「椰子雞煲湯底」🥥🐔除咗用QR code點餐之外，大部份火鍋配料都係親自出去拎，選擇非常多，嚟幾次都未必食得晒所有種類！刺身好新鮮，每次只限攞三款，隻蝦勁肥美！牛肉質素都唔錯，雪花幾靚。飲品選擇好多，花多眼亂，最終我揀咗飲啤酒😁😁咁抵嘅價錢，有咁多嘢食，絕對滿意！必有下次！