影片
更多
2018-12-18
195 瀏覽
平時做野太忙,放假都只係想喺屋企抖下, 好耐未試過好好食過tea過一個悠閒嘅下午。今次就趁年尾聖誕前同男朋友去左喺尖沙咀嘅La Mer Restaurant & Lounge食返個法式Afternoon Tea.呢間餐廳係由藝人黃長興開嘅, 餐廳環境同佈置都好有法國色彩, 場地唔算太大但好warm好舒服, 加上係聖誕前夕, 所以仲有聖誕裝飾, 好有氣氛!今次叫左個2人afternoon tea set, 三層架嘅擺設同賣相好靚,仲有另外嘅scones(英式鬆餅)配果醬。先食三層架最上嘅咸食, 分別係黑松露炒蛋牛油麵包+ 什菌黑松露酥皮盒。黑松露炒蛋牛油麵包- 聞落已經有好香嘅黑松露味, 食落其實好似平時食嘅牛油麵包加炒蛋, 但係滑蛋炒得岩岩好,麵包都幾軟熟加上夾雜住黑松露, 成個味道好豐富!什菌黑松露盒- 上層係什菌+黑松露, 仲有少少忌廉汁, 黑松露份量比起上面嘅麵包更多, 味道更重, 下面就係幾層嘅酥皮餅,口感似餅乾硬得來又幾鬆脆, 同岩岩軟熟嘅牛油麵包形成有趣嘅對比!中間果層就有生牛肉卷配松露醬 + 暖心朱古力撻生牛肉卷配松露醬- 呢個出乎意料咁好食, 因為我本身唔太鐘意食生牛肉
今次就趁年尾聖誕前同男朋友去左喺尖沙咀嘅La Mer Restaurant & Lounge食返個法式Afternoon Tea.
呢間餐廳係由藝人黃長興開嘅, 餐廳環境同佈置都好有法國色彩, 場地唔算太大但好warm好舒服, 加上係聖誕前夕, 所以仲有聖誕裝飾, 好有氣氛!
今次叫左個2人afternoon tea set, 三層架嘅擺設同賣相好靚,仲有另外嘅scones(英式鬆餅)配果醬。
先食三層架最上嘅咸食, 分別係黑松露炒蛋牛油麵包+ 什菌黑松露酥皮盒。
黑松露炒蛋牛油麵包- 聞落已經有好香嘅黑松露味, 食落其實好似平時食嘅牛油麵包加炒蛋, 但係滑蛋炒得岩岩好,
麵包都幾軟熟加上夾雜住黑松露, 成個味道好豐富!
什菌黑松露盒- 上層係什菌+黑松露, 仲有少少忌廉汁, 黑松露份量比起上面嘅麵包更多, 味道更重, 下面就係幾層嘅酥皮餅,
口感似餅乾硬得來又幾鬆脆, 同岩岩軟熟嘅牛油麵包形成有趣嘅對比!
中間果層就有生牛肉卷配松露醬 + 暖心朱古力撻
生牛肉卷配松露醬- 呢個出乎意料咁好食, 因為我本身唔太鐘意食生牛肉, 但係呢個生牛肉卷食落味道似煙肉,
但又唔會太韌, 係入口即溶嘅牛肉口感; 入面包住菜同松露醬, 味道好清新, 食完有唔夠喉嘅感覺!
暖心朱古力撻- 本身以為係一個普通朱古力brownie,出面係脆餅皮, 咬開發現入面係暖暖嘅流心朱古力(似心太軟), 朱古力味濃得來又唔會甜到漏,
好邪惡但真係令人好難抗拒!
最底果層就係全部甜點, 有自家製馬卡龍+ 法式鮮果可麗露 + Menu上無嘅金箔果醬Muffin (自取嘅名)
自家製馬卡龍- 睇到顏色以為係朱古力Macaron, 點知發現原來係 (第一次食芝麻味嘅Macaron)
口感好特別, 因為好煙韌 (有少少似食緊芝麻花生糖) , 但唔會太甜或太膩。
法式鮮果可麗露- 上面係無花果, 下面就係經典法式甜品可麗露, 可麗露睇落好似黑黑皺皺咁,
但實情外層係酥脆嘅焦糖皮, 內裡就煙煙韌韌咁好得意! 鐘意食法式甜品一定要試下!
金箔果醬Muffin(自取嘅名)-
你以為只係普通一個muffin? 點知原來另有驚喜!
下面係muffin, 上面有細細一層紅色嘅果醬, 甜甜地好好味。
加上好多糖霜同「金箔」, 本身仲以為係普通金色嘅朱古力裝飾, 但原來係!!爆炸糖來架!! 咬左啖muffin就有好多糖喺我口入面「爆炸」緊,
非常得意!
仲有就係英式鬆餅配果醬- 去英國嘅時候已經成日食,
因為好鐘意佢軟硬適中嘅口感。呢度嘅scones亦都唔錯, 略嫌有少少乾, 但配埋果醬 (係黑加侖子味)就岩岩好, 食完仲幾飽下添!
最後就係飲品, 我地叫左Mocha同埋熱檸茶
Mocha有好靚嘅心形拉花, 飲落奶同咖啡嘅比例岩岩好, 唔會太濃咖啡味或者太淡奶味! 男朋友飲完都讚不絕口!
熱檸茶就普通啦, 無咩太特別haha
今次叫左個2人Afternoon Tea Set, 2個人只需要$298, 平均只係$150左右一個人就可以食到法式下午茶,
而且竟然驚喜地好食! (聽到隔離枱都係咁讚!) 想好好享受一個悠閒嘅下午不妨一試!
張貼
