第一郡 (已搬遷) 新店位置

朋友食過好食，琴日摸門釘，原來例休星期一，今日再嚟過，好好彩，唔駛等太耐，目測小店應該廿十個位左右，午餐時間比較多人。我地叫左蟹膏蕃茄湯檬 ，湯底濃郁唔重味精，蟹膏釀在豆腐裡，好香唔會散，蕃茄好多汁又厚切，好有口感，檬粉好幼滑。再叫左個甜品係班蘭綠豆糕，好煙韌，唔太甜，值得推介，出門越南餐廳好少食到。最後點少得嘆返杯越南滴漏咖啡，仲可以叫佢少啲奶，無咁甜，咖啡好濃郁，有厚度，回味。另外見到啲越式三文治，潛艇賣相一流，由於份量好足夠，要留返下次先可以試下。